Elon Musk okwati otaka thigapo epangelo lya Trump konima sho a kwathela oku shonopeka uunene wepangelo lyaUS shoka sha etitha oopoosa dhimwe mepangelo dhi kuthwe mo.
Momushangwa gwe kepandja lyoX, omukengeli dhingi muuyuni okwa pandula Trump kompito ndjoka e mupa a wilike oshikondo shoku endelelitha noku longitha pamukalo oonzo dhepangelo sha tseyika onga DOGE.
Oshinakugwanithwa sha Musk oshali sho pakathimbo n’ezepo lye inali ya ombaadhilila.
Musk otati elalakano lyaDOGE otali nkondopala nethimbo na otali ka kala oshitopolwa shonkalamwenyo yepangelo.
Omvalelwe ya South Africa, Musk okwali omuniilonga gwepangelo a yooloka sho ali a pitikwa a longe omasiku 130 ayeke kehe omuvo.
Sho ali ta lalekwa kegumbo lyepangelo, Trump na Musk oya paathana omagano moka Trump a pa Musk oshapi onene yoshingoli yili moshipakete sha hongwa moshiti.
Trump otati, Musk “itayi thilu thilu” na ota tsikile noku kwathela mpaka naa mpeyaka.