Oongombe dhithike po 400 odha yakwa pokatomeno kepangelo (Meatco) mu Mayi awike nuumvo.
Oongombe dhoka odhali dha tega okuka tomwa opo dhika landithwe na odhali koshiyunda sha Linden Beef Feedlot momudhingoloko gwofaalama yo Eendrag Hochfeld .
Meatco okwi ikala kutya oongombe odha yakwapo kaanambelewa ye.
Shika osha etitha David van Der Lidenberg ngoka eli mwene woshigunda a kale a mangwa po.Lidenberg okuli mondjedhililo kOkahandja, ngaashi sha shangwa kolopota ya Meatco.
Olopota otayi ti, okwali kwa monika kutya oongombe inadhi ihwapo momayalulo ngoka galiko mo 01 Mayi.
Shika oshali sha etitha omayalulo ga endululwe mo 20 – 23 Mayi moka shali sha kolekwa.
Oongombe dhoka dha hupa po onkene dhili natango koshigunda sha Linden Beef Feedlot na otakuti Meatco ota ningi omalandulathano dhikale dha zako.
Otaku hokololwa wo kutya ominista onkuluntu Elijah Ngurare okwa shangalenge koMinisteli yEmona nOmahangano gEpangelo opo ya gandje omayamukulo koshikumungu shika.
Okupitila mu amushanga gwokabinete Emilia Mkusa, Ngurare okwapula omunambelewa omukuluntu muuministeli wEmona, Michael Humavindu a kale a gandja eyamukulo oomanga Etitatu lyoshiwike shaziko inali pita.